Kaffihúsið Hannes Boy stendur á fallegum stað, í skærgula húsinu við smábátahöfnina á Siglufirði. Hannes sá er staðurinn er nefndur eftir var í miklu uppáhaldi hjá mörgum bæjarbúum og ataðist gjarnan í strákunum við höfnina og fékk þannig viðurnefnið Boy. Kaffihúsið býður uppá notalegt umhverfi með sjarmerandi innréttingum og einnig er hægt að sitja úti við höfnina á góðviðrisdögum.